Mia cara madre,
sta pe trasí Natale,
e a sta luntano cchiù mme sape ammaro
comme vurria appiccia duje o ttre biangale
comme vurria senti nu zampugnaro!

A e ninne mieje facitele o presebbio
e a tavula mettite o piatto mio
facite, quann'è a sera d'a Vigilia
comme ssi mmiez'a vuje stesse pur'io

E nce ne costa lacreme st'America
a nuje napulitane!
pe nuje ca ce cchiagnimmo o cielo e Napule,
comm'è ammaro stu ppane!

Mia cara madre,
che so, che so e denare?
pe chi sse cchiagne a patria, num so niente!
mo tengo quacche dollaro, e mme pare
ca num so stato maje tanto pezzente!

mme sonno tutt'e nnotte a casa mia
e d'e ccriature meje ne sento a voce
ma a vuje ve sonno comm'a na "Maria"
cu e spade m'pietto, n'nanz'ô figlio n'croce!

E nce ne costa lacreme st'America
a nuje napulitane!
pe nuje ca ce cchiagnimmo o cielo e Napule,
comm'è ammaro stu ppane!

mm'avite scritto
cch'Assuntulella cchiamma
chi ll'ha lassata e sta luntana ancora
che v'aggi'a dí? ssi e figlje e vònno a mamma,
facítela turnà cchella "signora"

I no, num torno... mme ne resto fore
e resto a faticá pe tuttuquante
i, cch'aggio perzo casa, patria e onore,
i so ccarne e maciello: so emigrante!

E nce ne costa lacreme st'America
a nuje napulitane!
pe nuje ca ce cchiagnimmo o cielo e Napule,
comm'è ammaro stu ppane!